“Neftçi”nin danışıqlar apardığı türkiyəli baş məşqçinin kimliyi artıq bizə məlumdur. Sərgən Yalçın variantını gözdən çıxaran “ağ-qaralar” Osman Özköylü ilə təmas halındadır.
O, Türkiyə Super Liqasına yüksələn sonuncu komandanın çalışdırıcısıdır. Söhbət “Pendikspor”dan gedir. İstanbul təmsilçisi I Liqanın pley-off matçında "Bodrumspor"u 2:1 hesabı ilə məğlub edərək adını elitaya yazdırıb.
51 yaşlı mütəxəssis indiyədək Türkiyədə xeyli komanda çalışdırıb.
“Etimesgut Şekerspor”, “Erzurumspor”, “Körfez İskenderunspor”, “Elazığspor”, “Denizlispor”, “Kayseri Erciyesspor”, “Ankaraspor”, “Şanlıurfaspor”, “Adana Demirspor”, “Sivasspor”, “Samsunspor”, “BB Erzurumspor”, “Adanaspor”, “Osmanlıspor”, “Boluspor”, “Altay” kimi yerlərfə işləyib. 2021-ci ildən “Pendikspor”un başındadır.
SPORTİNFO.AZ
