Cavidan Rəhimli “Neftçi”dən pulunu ala bilməməsinə görə narahatdır.
Paytaxt təmsilçisi sözügedən futbolçunun şikayəti əsasında Oyunçuların Statusu və Transferi Komitəsinin 6 mart 2023-cü il tarixində çıxardığı qərarın tələbini yerinə yetirmir.
Cavidan əvəzedici komandada çıxış etdiyi vaxt “Neftçi”nin onunla müqaviləni birtərəfli qaydada pozmasından şikayətçi olaraq məlum komitəyə müraciət etmiş, yekunda qalib gəlmişdi.
Qərara əsasən “ağ-qaralar” futbolçuya 9900 manat ödəməlidir.
Qərarla razılaşmayan “Neftçi” sonradan apellyasiya şikayəti vermişdi ki, şikayət təmin edilməmişdi. Apellyasiya Arbitraj Tribunalı 5 may 2023-cü ildə klubun 9900 manat məbləğində borcu iddiaçıya ödənilməsinə dair qərar çıxarmışdı.
Tribunalın çıxardığı qərarın üstündən 1 aydan vaxt keçib. “Neftçi” hələ də vəsaiti qarşı tərəfə ödəməyib.
HƏBİB / SPORTİNFO.AZ
