“Neftçi” Sezar Meza Kollidən sonra daha bir legionerlə vidalaşıb.
İki ildir ağ-qara formanı geyinən paraqvaylı yarımmüdafiəçinin müqaviləsi yenilənməyibsə, gürcüstanlı hücumçuVato Arveladze ilə yollar qarşılıqlı razılaşma əsasında ayrılıb.
Onunla ötən ilin yayında 1+1 illik sözləşmə imzalanmışdı.
Məşhur Arveladze nəsilinin nümayəndəsi «Neftçi»də özünü təsdiq etməyi bacarmadı.
18 oyunda meydana ayaq basan Vato qol hesabını aça bilmədi, yalnız 2 məhsuldar ötürməylə yadda qaldı.
Gürcüstan millisinin forvardı daha əvvəl ölkəsində "Sasko", "Lokomotiv" (Tbilisi), Türkiyədə "Kasımpaşa", "Fatih Karagümrük" və Polşada "Korona"nın uğurları üçün tər töküb.
SPORTİNFO.AZ
