"Mövsüm başa çatdı və biz ümidləri doğrultmadıq".
bunu "Neftçi"nin kapitanı Emin Mahmudov şəxsi instaqram səhifəsində paylaşıb.
31 yaşlı yarımmüdafiəçi bildirib ki, "ağ-qaralar"ın azarkeşləri hər zaman daha yaxşı nəticələrə layiqdirlər: "Mövsüm boyu göstərdiyiniz dəstəyə görə təşəkkürlər".
Azərbaycan Premyer Liqasını 68 xalla 3-cü pillədə başa vuran "Neftçi" ölkə kubokunun finalında "Qəbələ"yə 0:1 hesabı ilə uduzub.
Mahmudov 2022/2023 mövsümündə "Neftçi"nin heyətində bütün turnirlərdə meydana çıxdığı 45 rəsmi matçda 19 qol və 11 məhsuldar ötürmə ilə yadda qalıb.
