.jpg)
“Neftçi” mövsümü normal başa vurmaq üçün kuboku götürməlidir, başqa yolu yoxdur”.
Bu fikirləri Sportinfo.az-a açıqlamasında millinin sabiq hücumçusu Zaur Ramazanov səsləndirib.
“Xəzər Lənkəran”ın əfsanəsi iyunun 3-də baş tutacaq ölkə kubokunun finalı - “Neftçi” – “Qəbələ” oyunu haqda proqnoz verib:
“Qəbələ” də kuboka köklənib. Üstəlik, son vaxtlar ürəyəyatan futbol oynayırlar, yaxşı nəticələr qazanırlar.
“Qəbələ”ni bu gün sərgilədiyi futbola görə “Neftçi”dən üstün görürəm. Şanslar 50-nin 50-yədir”.
Zaur Ramazanov futbolçu karyerasında “Bakılı”, “Karvan”, “Qarabağ”, “Xəzər Lənkəran” kimi komandaların şərəfini qoruyub, iki dəfə ölkə çempionatının bombardiri olub.
“Mövsümün ən yaxşı futbolçusu” seçilib, Azərbaycan futbol tarixinə 3 il ardıcıl ölkə kubokunu qazanmış futbolçu kimi daxil olub.
