2019/2020 mövsümünün sonunda "Sumqayıt"ı Yunanıstan "Atromitos"una dəyişən israilli futbolçu Əmir Ağayev Azərbaycan millisinə çağırılması barədə məlumat vermişdik.
"Fosonline.gr" saytı Sportinfo.az-ın yaydıığı xəbəri təsdiqləyib (https://www.sportinfo.az/idman_xeberleri/milli_komanda/89962.html).
Yerli həmkarlarımızın bildirdiyinə görə, yığmanın yeni baş məşqçisi Canni De Byazi İsrail əsilli 28 yaşlı yarımmüdafiəçini UEFA Millətlər Liqasının Lüksemburq və Kiprlə oyunlarına dəvət edib.
İddiaya görə, artıq bununla bağlı AFFA-dan Afina klubuna məktub göndərilib. Ağayev 31 avqust - 8 sentyabr tarixlərinə nəzərdə tutulan təlim-məşq toplanışına qatılmalıdır. Azərbaycan millisi sentyabrın 5-də Bakıda Lüksemburq, 3 gün sonra isə səfərdə Kiprlə qarşılaşacaq.
