Haiti ilə keçirilən yoldaşlıq görüşü uğursuz nəticələnsə də (0:3), Azərbaycan millisinin iki futbolçusu üçün yubileylə əlamətdar olub.
Sportinfo.az xəbər verir ki, qapıçı Şahrudin Məhəmmədəliyev və yarımmüdafiəçi Toral Bayramov yığmamızın heyətində 30-cu matçlarını keçiriblər.
Bununla onlar İlqar Qurbanov və Ruslan Musayevin göstəricisini təkrarlayıblar.
Məhəmmədəliyevlə Bayramov həm də milli forma altında 30 və ya daha çox oyun keçirən müvafiq olaraq, 54-55-ci futbolçular olublar.
Toral geridə qalan müddətdə 4 qol vurubsa, Məhəmmədəliyev 42 top buraxıb.
Millinin heyətində oyun sayında rekordçu 111 matçla Rəşad Sadıqovdur.
