Qazaxıstan mediası ilin idman məyusluqlarını qeyd edib.
Sportinfo.az “sports.kz” portalına istinadən xəbər verir ki, “top-8”ə Qazaxıstanın futbol komandasının UEFA Millətlər Liqasının C divizionunun son oyununda Azərbaycan yığmasına uduzması (0:3) daxil edilib.
Qazaxıstanlı həmkarlarımız məsələ haqda bu cür yazıb:
“Bəli, indi çox danışmaq olar ki, Qazaxıstan millisi UEFA Millətlər Liqasının C divizionunda Azərbaycan paytaxtında qrup mərhələsinin son oyununa öz qrupunda vaxtından əvvəl birinci yeri tutduğu üçün həvəssiz çıxmışdı.
Amma bütün bunlar bəhanə ola bilməz. Əslində, vaxtilə SSRİ-nin tərkibində olan ölkələr arasında futbol meydançalarında qarşıdurmalar çox fundamental xarakter daşıyır və kifayət qədər yüksək dəyəri var.
Bakıdakı 0:3 hesablı məğlubiyyət Azərbaycan yığmasına daha güclü olduğunu deməyə əsas verdi. Baxmayaraq ki, qazaxların qrupdakı yeri daha yüksəkdir".