Musa Qurbanlı Azərbaycan millisində qol hesabını açıb.
Sportinfo.az xəbər verir ki, “Qarabağ”ın hücumçusu Şimali Makedoniya ilə yoldaşlıq görüşündə fərqlənib.
Skopyedəki matçda 20 yaşlı forvard özünün yığmadakı 5-ci oyununda ilk qolunu vurub.
Musa yığma tarixinə qol sevinci yaşayan 71-ci oyunçu kimi düşüb. Bu görüşə qədər 70 futbolçumuz rəqib qapısına yol tapıb.
Şimali Makedoniya ilə qarşılaşmada millinin ilk qolunun müəllifi Elvin Cəfərquliyev də siftə edib.