"İlk öncə qələbələr münasibəti ilə komandamızı təbrik edirəm".
Bu fikirləri Sportinfo.az-a açıqlamasında Azərbaycan millisinin yoxlama görüşlərində Moldova və Şimali Makedoniya üzərindəki qələbələri (müvafiq olaraq 2:1 və 3:1) barədə danışan gənc mütəxəssis Emin İmaməliyev dilə gətirib.
Yığma komandanın sabiq üzvü komandamız haqqında müsbət fikirlər səsləndirib:
"Hər iki oyunda da millimizin yaxşı matçlar keçirdi. Həm Moldova, həm də Şimali Makedoniya yığması ilə oyunda üstün tərəf biz idik.
Çox sevindirici haldır ki, yığma ardıcıl 5-ci qələbəsin qazandı. Əlbəttə, hər qələbədən sonra futbolçularda inam, ruh yüksəkliyi daha da artır.
Qələbə hər zaman şirin, sevindirici olur və gələcəyə inamı artırmış olur".
O, son 5 oyundakı əla nəticələrin gələcək oyunlara da daşınmasına ümidini ifadə edib:
"İnanırıq ki, yığma gələcək oyunlarda da hazırkı performansı saxlamaqla qələbələrin sayını artırmış olacaq.
Hamımızın istəyi odur ki, əsas milli komanda hər oyunda qələbə qazanaraq bütün Azərbaycan futbolsevərlərini sevindirsin".
XANOĞLAN