“Bundan da pis qrupa düşə bilərdik. Xüsusən də, B və C qrupları çılğınlıq olardı”.
Sportinfo.az xəbər verir ki, bunu Estoniya yığmasının baş məşqçisi Tomas Heberli deyib.
İsveçrəli mütəxəssis AVRO-2024-ün seçmə mərhələsində düşdükləri qrupu dəyərləndirib. 48 yaşlı çalışdırıcı Azərbaycan yığması ilə eyni qrupa düşdükləri üçün sevincini gizlətməyib:
“H qrupu daha xoş görünür. Ümumilikdə çox yaxşı qrupdayıq. 4-cü səbətdən Azərbaycanın düşməsinə gəlincə, əsas odur ki, orada Yunanıstan və Türkiyədən qaçdıq.
Mənim nəzərimdə digər komandaların hamısı mükəmməl rəqiblərdir. Azərbaycan isə aşağı-yuxarı bizimlə eyni səviyyədə olan komandadır”.
Azərbaycan millisi F qrupunda Belçika, Avstriya, İsveç və Estoniya ilə mübarizə aparacaq. Seçmə mərhələyə gələn ilin martında start veriləcək.
.jpg)
.jpg)
.jpg)
