AFFA-nın icraçı vitse-prezidenti Elxan Məmmədov Sportinfo.az-ın yaydığı xəbəri təsdiqləyib (https://www.sportinfo.az/idman_xeberleri/milli_komanda/130207.html).
O, federasiyada keçirdiyi toplantıda bildirib ki, 21 yaşadək futbolçulardan ibarət millinin baş məşqçisi Milan Obradoviçlə müqavilənin müddəti uzadılmayacaq.
AVRO-2023-ün seçmə mərhələsində mübarizə aparan komandanın uğursuz çıxışı serbiyalı çalışdırıcı barədə bu qərarın verilməsinin əsas səbəbidir.
6 qarşılaşmada cəmi 1 xal toplayan yığmamız bununla da Avropa çempionatı xəyalı ilə erkən vidalaşıb.
Hələ Bakıda keçirilən Norveçlə son görüşədək (1:2) final mərhələsinə birbaşa vəsiqə şansı qalmayan Obradoviçin komandası pley-off ümidini də itirib.
Bunadək 2 qələbə və 11 məğlubiyyət görən Obradoviç 1 dəfə yığmamızla seçmə oyununda 1 xal görüb.
E.Məmmədov bildirib ki, balkanlı çalışdırıcıya uzun müddətdir şans versələr də, ondan gözlənilən nəticələri qazanmağı bacarmayıb, normal səviyyədə komanda formalaşdıra bilməyib.
