“Atletiko”nun prezidenti Enrike Sereso Saul Niqesin “Çelsi”yə transferi haqda danışıb.
Sportinfo.az xəbər verir ki, 73 yaşlı funksioner keçidin transfer pəncərəsinin bağlanmasına dəqiqələr qalmış təsdiqləndiyini bildirib:
“Saul getmək istəyirdi, biz də razılaşdıq. “Çelsi”yə keçmək sırf onun öz istəyi idi. Saulun keçidi transfer pəncərəsinin bağlanmasına dəqiqələr qalmış - 23:57-də təsdiqləndi.
Amma deyim ki, buna görə həyəcanlanmırdım. Çünki biz də Qrizmannı heyətə cəlb etmişdik”.
“Çelsi” Saulu 5 milyon avro qarşılığında icarəyə götürüb. London nəhəngi onun transfer hüququnu almaq üçün 35 milyon avro ödəməlidir.