"Beşiktaş" yarımmüdafiə xəttini yeni oyunçu ilə gücləndirib.
Sportinfo.az xəbər verir ki, İstanbul təmsilçisi Avropa Liqasının pley-off mərhələsində "Qarabağ"ın rəqibi olan "Braqa"dan Əl-Musratini icarəyə götürüb.
27 yaşlı yarımmüdafiəçi İstanbula gedərək yeni klubu ilə müqavilə imzalayacaq.
"Braqa" Əl-Musratini 2020-ci ilin yayında "Vitoruya Gimaraeş"dən transfer edib. Liviyalı yarımmüdafiəçi bu mövsüm komandanın heyətində meydana çıxdığı 20 rəsmi matçda 4 qol və 1 məhsuldar ötürmə ilə yadda qalıb.
"Qarabağ" "Braqa" ilə oyunu fevralın 15-də səfərdə keçirəcək. Komandalar arasında cavab görüşü bir həftə sonra Bakıda baş tutacaq.
