Mövsümün əvvəlində “Qarabağ”dan ayrılaraq, Türkiyədə “Bandırmaspor”a keçən Adama Diakabi yeni komandasında da çox qalmayıb.
Sportinfo.az xəbər verir ki, yarımmüdafiəçinin müqaviləsinə xitam verilib.
Fransalının özü də I Liqa təmsilçisindən ayrılmaq qərarı verib.
Halbuki “Bandırmaspor” Diakabi ilə 2 illik müqavilə imzalamışdı.
28 yaşlı futbolçu 2023-cü il yanvarın 13-də “Qarabağ”a keçmiş, bu mövsümün əvvəlində komandadan ayrılmışdı.
