.jpg)
Xəbər veridiyimiz kimi, «Neftçi»nin serbiyalı müdafiəçisi Vojislav Stankoviç qalmaqallı hərəkətə yol verib.
Hadisə «Turan Tovuz»la kubok qarşılaşmasından sonra baş verib.
Belə ki, son dəqiqələrdə vurulan 2 qolla yarımfinal mərhələsini ağlayan «ağ-qaralar»ın legioneri qonaq azarkeşlərə ədəbsiz jest göstərib.
“Neftçi”nin idman direktoru Zaur Əzizov Sportinfo.az-a açıqlamasında olaya münasibət bildirib. O, serbiyalı legionerin qonaq tərəfdarları təhqir etmədiyini deyib:
“Təəssüflənirik ki, bizim futbolçu ilə bağlı belə bir xəbər yayımlanır. Videodan aşkar görünür ki, Stankoviç qələbəni ailəsi ilə qeyd edir.
Onun jestlər etdiyi istiqamət klubun ailə “sky-box”sudur. Bunu tovuzlu azarkeşlərə qarşı ədəbsiz jest kimi qəbul eləmək olmaz.
Çünki o, üzünü ailəsinin olduğu tərəfə çevirib və onlara hava öpüşü göndərir. Istiqaməti yalnız bir tərəfə - tribunanın ikinci yarusunadır”.
VİDEONU BU LINKƏ DAXİL OLARAQ İZLƏYİN:
