2022-ci ilin yanvar ayında fəaliyyətə başlayan “Neftçi” Futbol Məktəbinin daha bir filialı açılır.
Sportinfo.az xəbər verir ki, məktəb Bakıxanov və Yasamaldan sonra Qara Qarayevdə də fəaliyyət göstərəcək.
Ünvan: Bakı şəhəri, Nizami rayonu, Qara Qarayev prospekti, Özbəkistan küçəsi 1. “Amasiya” İdman Sağlamlıq Kompleksinin meydançası.
Futbolun sirrlərini öyrənmək istəyən 6-14 yaşlı uşaqlar “Neftçi” Futbol Məktəbinə müraciət edə bilər. Məşqlər ödəniş əsasında həyata keçirilir. İlk məşq ödənişsizdir. Əlavə məlumat üçün: +994519371937
Hazırda 100-a yaxın futbolçusu olan "Neftçi" Futbol Məktəbi "Neftçi" Peşəkar Futbol Klubunun nəzdində fəaliyyət göstərir.
Məşqlər Bakıxanov qəsəbəsində yerləşən "Türk Hava Yolları Futbol Mərkəzi”ndə və Yasamalda yerləşən "Sportster" meydançasında keçirilir.
Məşq prosesində “Neftçi” Futbol Akademiyasının UEFA lisenziyasına malik məşqçiləri ilə yanaşı, inzibati və tibbi heyəti iştirak edir.
