«Kəpəz»in baş məşqçisi Tərlan Əhmədov yenidən «Neftçi»yə qayıtmağa can atır.
Mövsümün ilk yarısında Yaşar Vahabzadəni əvəzləyən mütəxəssis bütün varlığı ilə çalışır ki, ona doğma olan kluba dönsün.
Çalışdırıcı bu arzuyla bəzi səlahiyyət və vəzifə sahiblərinə müraciət edib. O, SOCAR başbilənləri ilə birbaşa təmas qurulmasına vasitəçi olmalarını həmin şəxslərdən xahiş eləyib.
Əhmədov həmçinin «Neftçi»nin bir qrup veteranı ilə görüşərək, eyni səpgili söhbət aparıb, qayıdışının baş tutmasına köməklik göstərmələrini istəyib.
Tərlan Əhmədov 2017-2018-ci illərdə «ağ-qaralar»ın sükanı arxasında olub. Paytaxt təmsilçisi həmin mövsüm Premyer Liqanın bürünc medallarını qazanıb.
Lakin onunla müqavilə yenilənməyib. Rəhbərliklə münasibətlərinin tamamilə pozulması səbəbindən.
SPORTİNFO.AZ
