.jpg)
Millinin baş məşqçisi Canni De Byazi maraqlı addım atıb.
Sportinfo.az-ın məlumatına görə, bu ilin yayından ölkəmizdə fəaliyyətə başlayan italiyalı çalışdırıcı döalət himnimizine sözlərini öyrənməyə başlayıb.
İctimaiyyətin rəğbətini qazanmaq istəyən apenninli mütəxəssis bu işi sərbəst şəkildə görür. Yəni, nə AFFA-ya müraciət edib, nə də özünə müəllim tutub.
De Byazi qarşıdakı 3 ay ərzində, bir qədər konkretləşdirsək, növbəti dünya çempionatının seçmə mərhələsinin start götürəcəyi martadək himnimizin müəyyən hissəsini əzbərləməyi qarşısına məqsəd qoyub.
Millinin tarixi ərzində 4 əcnəbi baş məşqçisi olub – Karlos Alberto Torres, Berti Foqts, Robert Prosineçki və Nikola Yurçeviç.
Onların heç biri nəinki dilimizi, himnimizin bir sözünü öyrənməyə də vaxt ayırmayıb. Baxmayaraq ki, hərəsi burada uzun müddət çalışaraq, böyük pullar qazanıblar.
