Üç 0:0-ın Azərbaycan millisinə 5 XEYİRİ

27 Noyabr 2020 19:40 Milli komanda 265
Üç 0:0-ın Azərbaycan millisinə 5 XEYİRİ

FIFA milli komandaların növbəti reytinq cədvəlini açıqlayıb.

Sportinfo.az xəbər verir ki, ötən siyahı ilə müqayisədə Azərbaycan millisi 5 pillə irəliləyib.

Hazırda yığma 1180 xalla 109-cu sırada qərarlaşıb.

İrəliləyişə səbəb yığmanın yoldaşlıq görüşündə Sloveniya, UEFA Millətlər Liqasının son matçlarında isə Monteneqro və Lüksemburqla qolsuz heç-heçə etməsidir.

Komandanın Millətlər Liqasındakı rəqiblərindən Monteneqro bir pillə irəliləyib və 1370 xalla 63-cü sıradadır. Üç pillə geriləyən Lüksemburq 1235 xalla 98-ci, bir pillə geriləyən Kipr isə 1224 xalla 100-cüdür.

1487 xala malik Türkiyə millisi 32-ci pilləyə yüksəlib. Reytinqin ilk üç pilləsində Belçika (1780), Fransa (1755) və Braziliya (1743) yer alıb.

FIFA ötən gün yeni reytinq siyahısını dərc etsə də, daha sonra cədvəli saytdan çıxarıb. Quruma üzv olan federasiyalara göndərilmiş məktubda səbəb kimi argentinalı əfsanəvi futbolçu Dieqo Maradonanın vəfatı göstərilib.

Digər Xəbərlər
Xəbər Lenti
16 Yanvar 22:20 Son 10 ilin ən düz adamı
16 Yanvar 11:25 Metro yenə bağlı olacaq