UEFA Millətlər Liqasının C Liqasının 1-ci qrupunda yer alan Azərbaycan yığması turnirdəki son oyununa çıxıb.
Sportinfo.az xəbər verir ki, Canni De Byazinin rəhbərlik etdiyi kollektiv səfərdə Lüksemburqla qarşılaşıb.
“Jozi Bartel” stadionunda keçirilən qarşılaşmanı almaniyalı referi Feliks Zvayer idarə edib.
Komandalar arasında Bakıda keçirilən görüşdə Lüksemburq millisi 2:1 hesablı qələbə qazanmışdı. Bu oyunda isə qapılara qol vurulmayıb.
Azərbaycan yığması C Liqasının 1-ci qrupunda 6 xalla 3-cü yeri tutub. Monteneqro birinci, Kipr sonuncu olub.