Bu gün UEFA Millətlər Liqasının qrup mərhələsində sonuncu turuna start veriləcək
Sportinfo.az xəbər verir ki, C liqası, 1-ci qrupunda qərarlaşan Azərbaycan yığması Lüksemburqun qonağı olacaq.
Millimiz qrupda sonuncu yeri tutmamaq üçün millimiz mütləq qalib gəlməlidir. Çünki eyni vaxtda başlayacaq digər görüşdə Kipr Monteneqronu məğlub edə bilər.
De Byazinin komandası taleyini monteneqroluların uduzmamasına bağlamamaq üçün Lüksemburqda 3 xal qazanmağa borcludur.
Bununla da komanda Bakıdakı 1:2 hesablı məğlubiyyətin revanşını ala bilər. Son dörd oyunda qol vura bilməyən yığma hücumdakı dişsizliyi unutdurmalıdır.
Ardıcıl qolsuz heç-heçələri sıralayan futbolçularımız qalib gəlsə, rəqibin B liqası arzusunun üstündən də xətt çəkə bilər.
Lüksemburqun Joze Bartel stadionunda keçiriləcək oyun Bakı vaxtı ilə saat 23:45-də başlayacaq.