“Ötən ay olduğu kimi, yenə ilk olaraq yoldaşlıq görüşü keçirəcəyik.
Ancaq matçın statusundan asılı olmayaraq, millinin hər bir üzvü meydana qələbə üçün çıxmalıdır”.
Bunu Monteneqro yığmasının qapıçısı Daniyel Petkoviç deyib.
Monteneqrolular Millətlər Liqasının son iki turunda Azərbaycan (14 noyabr) və Kiprlə (17 noyabr) qarşılaşacaq. Yerli mətbuata danışan Fransanın “Anje” klubunun qolkiperi heyətdə çox sayda dəyişikliklər olacağını bildirib:
“Ümid edirəm ki, müsbət nəticə əldə edəcəyik. Fikrimcə, ölkə xaricində daha az şans qazanan və daxili birincilikdə oynayan futbolçuların iştirakı məqsədəuyğun olar. Təbii ki, Millətlər Liqasında Azərbaycanla matça yenilənmiş və daha hazır heyət çıxacaq”.
Monteneqro yığmasının Azərbaycan millisi ilə oyunu Xorvatiyanın Zapreşiç şəhərindəki “İvan Lalyak-İviç” stadionunda keçiriləcək.
.jpg)
.jpg)
.jpg)
