Lüksemburq yığmasının yoldaşlıq görüşündə Avstriya (11 noyabr), Millətlər Liqasında isə Kipr (14 noyabr) və Azərbaycanla (17 noyabr) keçiriləcək oyunlar üçün heyəti müəyyənləşib.

Sportinfo.az xəbər verir ki, baş məşqçi Lük Holts C liqasının son matçlarında xidmətindən yararlanacağı oyunçuların siyahısını açıqlayıb.

51 yaşlı mütəxəssis ümumilikdə 23 nəfərə dəvət göndərib.

Yığmamız qrupda son matçını səfərdə məhz Lüksemburqa qarşı keçirəcək. Canni de Byazinin yetirmələri bundan əvvəl Sloveniya ilə (11 noyabr) yoldaşlıq görüşündə, Monteneqro ilə Millətlər Liqası görüşündə (14 noyabr) üz-üzə gələcək.

Qapıçılar: Tim Kips ("Düdelanj), Antoni Moris ("Yunion", Belçika), Ralf Şon ("Vilts")

Müdafiəçilər: Dirk Karlson ("Karlsrue", Almaniya), Lars Gerson ("Norrçöpinq", İsveç), Loran Yans ("Standart", Belçika), Seid Koraç ("Nürnberq", Almaniya) Enes Mahmutoviç ("Lvov", Ukrayna), Marvin Martins ("Kasa Pia", Portuqaliya) Mika Pinto ("Sparta", Rotterdam, Niderland) Vahid Selimoviç (OFİ, Yunanıstan)

Yarımmüdafiəçilər: Leandro Barreyro ("Maynts", Almaniya), Florian Bonert ("Maynts", Almaniya), Mathias Olesen ("Köln", Almaniya), Timote Rupil ("Maynts", Almaniya), Danel Sinani ("Vasland-Beveren", Belçika), Aldin Skenderoviç ("Proqress"), Sebastien Thill ("Tambov" Rusiya), Vensan Till ("Nasional", Portuqaliya)

Hücumçular: Stefano Bensi ("Fola"), Moris Devill ("Saarbrüken", Almaniya ), Edvin Muratoviç ("Düdelanj"), Jerson Rodrigeş ("Dinamo" Kiyev, Ukrayna)