Yığmanın baş məşqçisi Sezar Meza Kollinin tez-tələsik milliləşdirilməsinə razılıq verməyib.
Sportinfo.az-ın məlumatına görə, italyan çalışdırıcı paraqvaylı yarımmüdafiəçini tanımadığından, onu komandaya cəlb etməyə tələsməyəcəyini bildirib.
65 yaşlı mütəxəssis bugünlərdə «Keşlə»yə qayıdan cənubi amerikalı futbolçunu bir müddət izlədikdən sonra haqqında nə düşündüyünü açıqlayacağını AFFA rəsmilərinin diqqətinə çatdırıb.
O, əcnəbi oyunçuların milliyə dəvət alması mövzusunda ehtiyatlı davranmağın zəruri olduğunu qeyd edib. Hər halda De Byazinin fikrincə, bu, risk ehtimalı yüksək olan məsələdir, çünki legionerlərin gəlişi komandanın düşərgəsində birmənalı qarşılanmır.