Millətlər Liqasının 4 turundan sonra komandaların şansları açıqlanıb.
Sportinfo.az xəbər verir ki, ekspertlər son iki tur ərəfəsində hər bir yığmanın konkret yerləri tutmaq ehtimallarını hesablayıb.
C liqasının 1-ci qrupunda çıxış edən Azərbaycan millisinin də şansları bəlli olub. Keçirdiyi 4 oyundan sonra 4 xalla 3-cü pillədə qərarlaşan Canni de Byazini yetirmələri birinci yer imkanı minimuma enib.
Komandamızın B liqasına yüksəlmək ehtimalı 1,06 faizə bərabərdir. Daha çox 3-cü yeri tutacağı gözlənilən millimiz qrup sonunculuğundan da sığortalanmayıb.
1-ci yer – 1,06
2-ci yer – 4,21
3-cü yer – 89,28
4-cü yer – 5,45
Yığmamız V turda Monteneqronu qəbul edəcək, son matçında Lüksemburqun qonağı olacaq.