Lüksemburq UEFA Millətlər Liqasının Azərbaycanla oyunu öncəsi ciddi itki ilə üzləşib.
Sportinfo.az xəbər verir ki, yığmanın aparıcı futbolçularından Vinsent Till Almaniyanın III liqa təmsilçisi "Saarbrükken"lə yoxlama matçında (0:0) zədələnib.
20-ci dəqiqədə meydanı tərk edən hücumameylli yarımmüdafiəçinin sentyabrın 5-də Bakıdakı görüşdə oynayıb-oynamayacağı sual altındadır. 20 yaşlı oyunçu ilə yanaşı, portuqaliya əsilli Jerson Rodriqeş də xəstə olduğu üçün qarşıdakı matçı buraxa bilər.
C Liqasının 1-ci qrupunun ilk turunda sentyabrın 5-də Bakıda Lüksemburqu qəbul edəcək Azərbaycan millisi 3 gün sonra səfərdə Kiprin qonağı olacaq.

