“İzlədiyim bəzi futbolçular var ki, növbəti toplanışlarda yığmaya çağırıla bilər.
Kim hazırdırsa, ona da dəvət göndərmişəm. Heç kimin yaşının azlığına və ya çoxluğuna önəm vermirəm”.
Sportinfo.az xəbər verir ki, bunu Kipr yığmasının baş məşqçisi Yohan Valem bu gün təşkil edilən mətbuat konfransında deyib.
Millətlər Liqasının C liqasının 1-ci qrupunda Monteneqro və Azərbaycan yığmaları ilə keçiriləcək oyunlara dəvət edilən futbolçuların adlarını açıqlayan 48 yaşlı mütəxəssis turnirə ciddi hazırlaşdıqlarını söyləyib:
“Bilirəm ki, nəticə ilk növbədədir. Ancaq komandanı inkişaf etdirmək istəyirəm, məsuliyyətimi və işimi bilirəm. Oyundan-oyuna yaxşı çıxış etməli, oyunumuzdan zövq almalıyıq. Bəli, Millətlər Liqasının və bu yarışdakı mübarizənin önəmini başa düşürəm".
Kipr sentyabrın 5-də Monteneqro, 8-də isə Azərbaycan ilə Nikosiyada qarşılaşacaq.
