İtaliyanın Azərbaycandakı Səfiri Auqusto Massari Azərbaycan milli komandasının yeni baş məşqçisi Canni De Byasi ilə görüşüb.
Sportinfo.az xəbər verir ki, Massari həmyerlisinə yeni işə başlaması münasibətilə təbriklərini çatdırdıb.
Səfir baş məşqçinin Azərbaycana gəlişinin İtaliyaya bu ölkədə daha çox nüfuz qazandıracağına əmin olduğunu bildirib.
Canni De Byazi ilə 2021-ci ilin noyabrınadək müqavilə imzalanıb. De Byazi keçmiş futbolçu Klaudio Belluççi, "Bolonya" və "Sampdoriya"nın keçmiş futbolçuları da daxil olmaqla, 4 köməkçidən ibarət heyətlə işləyəcək.
Onun ilk rəsmi matçı sentyabrın 5-də Bakıda keçiriləcək Millətləq Liqası matçında Lüksemburqa qarşı olacaq.
