"Şərtlərə və vəziyyətə uyğunlaşmaq lazımdır".
Sportinfo.az xəbər verir ki, bu fikirlər millimizin baş məşqçisi Canni De Byaziyə məxsusdur.
Onun fikrincə, A Seriyasından sonra Albaniya və Azərbaycan kimi ölkələrdə işləmək çətindir: "Kimsə "Real"ı, İngiltərə və Belçika millisini çalışdırmaq istəyir.
Mən isə Azərbaycan seçməsinin baş məşqçisiyəm və bundan məmnunam. Bu komandanı mümkün qədər yüksəyə qaldırmaq üçün bütün bilik və bacarıqlarımı göstərməyə hazıram.
Azərbaycanın reytinqdə yüksəlməsini, uğur qazanmasını istəyirəm. Bunu tək edə bilmərəm. Birlik lazımdır. Oyunçularımla yanaşı, hər kəsin yardım əlini uzatmasına ehtiyac var.
Toya getmək asandır, yasa getmək isə yox. Yaxşı oynamalıyıq ki, küçəmizdə hər zaman bayram olsun. Dəstəksiz bunu etmək mümkün deyil".
