"Hamıdan gözəl oynayıb, estetik futbol göstərib 0:1, 0:2 uduzmaq mənə maraqlı deyil".
Sportinfo.az xəbər verir ki, millimizin yeni çalışdırıcısı Canni De Byazi öz fəlsəfəsini açıqlayıb.
İtaliyalı bildirib ki, o, gözəl oyundan çox, nəticə haqqında düşünən məşqçidir: "Əlbəttə, gözəl futbolun da əleyhinə deyiləm. Amma çox pis oynayıb qalib gələcəyiksə, bundan məmnun olaram.
Bu gün bizi qələbə, yaxşı nəticə maraqlandırır. Döyüşmək, sürüşmə fəndi etmək, arxaya ötürmə etmək kimi hərəkətlərdən çəkinmirəm. Əsas olan qələbə qazanmağa kömək edən vasitələri aşkarlamaqdır".
