UEFA Millətlər Liqasının 2020/21 mövsümü və payıza planlaşdırılan yoldaşlıq görüşlərinə azarkeşlər buraxıla bilərlər.
Sportinfo.az xəbər verir ki, bunu UEFA-nın Tibbi Komitəsinin rəhbəri Tim Meyer deyib.
Onun sözlərinə görə, yarışlar UEFA qaydalarına uyğun keçiriləcək. Meyer bildirib ki, milli komandaların oyunları zamanı azarkeşlərin stadiona buraxılıb-buraxılmaması məsələsi ilə bağlı UEFA yaxın vaxtlarda son qərarını verəcək.
Azərbaycan yığması Millətlər Liqasıda C liqasının 1-ci qrupunda Lüksemburq, Kipr və Monteneqro ilə mübarizə aparacaq. Qarşılaşmalar sentyabr-noyabr aylarında baş tutacaq.
