Millizin sabiq qapıçısı Andrey Popoviç alman mütəxəssis Berti Foqtsla münasibətlərinə dair maraqlı açıqlama verib.
Sportinfo.az xəbər verir ki, peşəkar karyerasını başa vuran Ukrayna əsilli kiper ölkəsinin ua-football.com saytına müsahibəsində “Sizi Berti Foqtsun sevimlisi adlandırmaq olarmı” sualını belə cavablandırıb:
“Mən daha artığını deyərdim. Hətta mənim Foqtsun nikahdan kənar oğlu olduğumu deyir və bu söhbətlərlə “zəhərləyirdilər”. Amma mən milliyə gözəl gözlərimə görə düşmürdüm. Həmişə üzərimdə işləyir və meydanda öz səviyyəmi göstərməyə çalışırdım”.
Popoviç 2011-12-ci illərdə, Berti Foqtsun dönəmində millimizə dəvət alıb.