Yığmamızın nigeriyalı futbolçusu Azərbaycana qayıdır - Pasportunu yeniləməyə

27 May 11:48 Milli komanda 514
Yığmamızın nigeriyalı futbolçusu Azərbaycana qayıdır - Pasportunu yeniləməyə

Azərbaycan millisinin sabiq futbolçusu Usim Nduka Bakıya gələcək.

Sportinfo.az xəbər verir ki, bu barədə "report"a nigeriyalı müdafiəçinin özü məlumat verib.

Azərbaycan vətəndaşlığı da olan afrikalı oyunçu pasportunun bitmə tarixi yaxınlaşdığı üçün Azərbaycana səfər edəcək: "Hazırda Nigeriyadayam. Bu ilin sonuna qədər Bakıya gəlməyi planlaşdırıram. Gələn ilin martında vaxtı başa çatacaq pasportumu yeniləmək istəyirəm".

Hazırda ölkəsində yerli futbol akademiyalarından birində çalışan veteran oyunçu eyni zamanda məşqçilik kurslarında iştirak edir: "Artıq B lisenziyası almışam. Gələcəkdə Azərbaycanda çalışmaq istərdim".

2007-2008-ci illərdə Azərbaycan millisinin formasını geyinmiş Usim Nduka 10 oyunda meydana çıxıb. 35 yaşlı keçmiş futbolçu artıq fəaliyyətini dayandırmış AZAL və "Simurq"da, həmçinin Türkiyənin "Tavşanlı Linyitspor" klubunda çıxış edib.

Digər Xəbərlər
Xəbər Lenti
9 İyul 13:12 Azərbaycanı tərk etdi