AFFA 17 yaşadək futbolçulardan ibarət millinin baş məşqçisi Elxan Abdullayevdən konkret nəticə tələb edib.
Bu barədə Sportinfo.az-a federasiyadan bildirilib.
Redaksiyamıza verilən informasiyaya görə, yığmanın çalışdırıcısından 2023-cü il Avropa çempionatının ilkin seçmə mərhələsində uğurlu nəticə istənilib.
U-17 seçmə mərhələdə Bosniya və Herseqovina, Ukrayna və Lixtenşteyn ilə 2-ci qrupda mübarizə aparacaq.
İşdir, komandamız qrupdan çıxa bilməsə, E.Abdullayev vəzifəsi ilə vidalaşacaq.

