UEFA Millətlər Liqasının C Divizionun 3-cü qrupunda çıxışını başa vuran
Azərbaycan yığmasının futbolçularının qazancı bilinib. AFFA millinin üzvlərinə vəd etdiyi mükafatın ümumi məbləğini son anda azaldıb.
Belə ki, öncədən onlara qələbəyə görə 30-35 min manat sözü verilsə də, indi məlum olur ki, «ənam» 10 min manatadək aşağı çəkilib.
Odur ki, Slovakiya ilə səfər, Qazaxıstanla ev matçlarında əldə edilən qələbəyə görə komandanın oyunçularına üst-üstə 20 min manat ödəniləcək.
Görünür ki, buna səbəb millinin qrupda qalmasıdır. Canni De Byazinin başçılıq etdiyi kollektiv 10 xal toplayaraq, ikinci yeri tutub.
SPORTİNFO.AZ