Canni de Byazi nədənsə bu dəfəki toplanışa Araz Abdullayevi dəvət etmədi.
AFFA-dakıların sevimli futbolçusu hətta aylarla futbolsuz qaldığı dönəmlərdə belə, daim yığmanın sıralarında olurdu ki, bu da kənardan baxanlarda ikrah doğururdu.
İndi milli üzvlərinin ağır mövsümün ardından yığmanın qarşıdakı 4 oyununa hazırlaşdığı vaxtda Araz yayın dadını çıxarır, ara-sıra sosial şəbəkə hesablarında paylaşım edir.
Abdullayevin sonuncu paylaşımı milliylə bağlı olub. O, Qazaxıstan – Azərbaycan qarşılaşmasının afişasını paylaşaraq ingilis dilində “uğurlar, qardaşlar” yazıb.
Nur-Sultan şəhərindəki “Astana Arena”da baş tutacaq Qazaxıstan – Azərbaycan qarşılaşmasa bu gün axşam saat 18:00-dastart götürəcək.
HƏBİB / SPORTİNFO.AZ

