«Mən Canni De Byazinin yalnız bir xüsusiyyətini bəyənirəm».
Bu sözləri Sportinfo.az-a açıqlamasında millinin keçmiş vingeri Əfran İsmayılov deyib.
İtaliyalı baş məşqçi barədə düşüncələrini bölüşən 34 yaşlı yarımmüdafiəçi bunları söyləyib:
«Onun Rövlan Muradova telefonla mesaj yazmasını eşitdim, xoşuma gəldi. Bu, futbolçuya diqqətdir.
De Byazi Malta toplanışına çağırmadığı Rövlana bu jesti ilə ürək-dirək vermiş oldu. Ancaq təəssüf ki, De Byazinin işi bundan o yana getmir.
Millinin oyunu yoxdur. Miliyə çağırılan futbolçular meydanda nə edəcəklərini bilmirsə, günahkar, əlbəttə ki, baş məşqçidədir.
Deməli, o, taktiki məşqlərdə öz üzərinə düşəni etmir».