Azərbaycan yığmasının sabiq hücumçusu Daniel Axtyamov məşqçiliyə başlayıb.
Berti Foqtsun zamanında millimizə cəlb olunan forvard özünü uşaq futbolunda sınamaq qərarına gəlib.
O, bu barədə Sportinfo.az-a deyib:
“Bura klub deyil, uşaq futbol məktəbi kimi yerdir. Futbolda ilk addımlarını atan balacalar üçündür.
Topla rəftarı, top saxlamağı, ötürmə verməyi-filan öyrədirəm. Məşqçiliyə avqustda başladım.
Uşaqlar futbolda ilk addımlarını atır, mən də məşqçilikdə (gülür). Qısası, hamımız yeniyik“.

