Azərbaycan millisi martda yoxlama görüşü keçirəcək.
Bu barədə Sportinfo.az-a AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla bildirib.
Onun sözlərinə görə, komanda martda təlim-məşq toplanışına yığışacaq.
Hazırlıq prosesinin ölkə xaricində təşkil olunması planlaşdırılır. Federasiya rəsmisi hələlik toplanışın dəqiq tarixinin hələ dəqiqləşmədiyini söyləyib.
Canni De Byazinin baş məşqçi olduğu kollektiv UEFA Millətlər Liqasının 2022/2023 mövsümündə C Liqasında yer alıb.
Azərbaycan Slovakiya, Belarus və Qazaxıstan - Moldova cütünün qalibi ilə birlikdə 3-cü qrupda mübarizə aparacaq.
Mİllətlər Liqasında yeni mövsümə iyunun 2-də start veriləcək. Italiyalı çalışdırıcı AFFA-dan mötəbər turnirədək ən azı 1 yoxlama görüşünün təşkilini istəyib.
F.Abdullanı dinləyək: “AFFA hazırda müxtəlif federasiyalarla danışıqlar aparır. Rəqib Asiyadan, yoxsa Avropadan olacaq?
Böyük ehtimalla, Avropadan. Bu, toplanışın harada təşkil edilməsindən də asılıdır”.