Azərbaycanın 19 yaşadək futbolçulardan ibarət millisi Avropa çempionatının seçmə mərhələsində sonuncu oyununu keçirib.
Sportinfo.az xəbər verir ki, Elxan Abdullayevin komandası 8-ci qrupdakı 3-cü matçında Lüksemburq ilə qarşılaşıb.
Vilts şəhərindəki "Poetz" stadionunda oynanılan görüş millimizin 2:0 hesablı qələbəsi ilə başa çatıb.
Yığmanın heyətində qolları 23-cü dəqiqədə Mirmövsüm Canıyev və 77-ci dəqiqədə Mehrac Baxşəli vurublar.
Beləliklə, ilk iki qarşılaşmada Belçika və İspaniyaya uduzan komanda bu qalibiyyət sayəsində qrupu 3-cü sırada başa vurub.
Lüksemburq – Azərbaycan 0:2
Qollar: Mirmövsüm Canıyev, 23, Mehrac Baxşəli, 77