“Millətlər Liqasında qarşılaşdığımız Azərbaycan millisi ilə indikini müqayisə etmək istəməzdim".
Sportinfo.az xəbər verir ki, bunu Lüksemburq yığmasının kapitanı Loran Yans DÇ-2022-nin seçmə mərhələsində Azərbaycanla keçiriləcək oyun öncəsi mətbuat konfransında deyib.
29 yaşlı oyunçu sabah Bakı Olimpiya Stadionunda baş tutacaq qarşılaşma ilə bağlı düşüncələrini bölüşüb:
“Lüksemburqda biz daha yaxşı çıxış etmişdik. İkinci hissədə bərabər səviyyədə görüş getdi. Sabah rəqib öz meydanında çıxış etsə də, meydana qələbə üçün çıxacağıq".
Azərbaycan – Lüksemburq qarşılaşması saat 21:00-da başlayacaq.
