.jpg)
AFFA prezidenti Rövnəq Abdullayev millinin yeni baş məşqçisinin seçilməsi prosesində iştirak etməyəcək.
O, bu məsələdə federasiyanın rəhbərliyində yer alan digər şəxslərdən fərqli mövqe tutub.
Qurum başçısı Canni De Byazini əvəzləyəcək mütəxəssisin əcnəbi olmasına qarşıdır. O, yığmanın yerli çalışdırıcılardan birinə tapsırılmasına tərəfdardır.
Abdullayev ilk dəfə deyil ki, bu cür duruş sərgiləyir. AFFA prezidenti hələ ilyarım öncə De Byazinin də təyinatına qarşı çıxıb.
İcraiyyə Komitəsinin iclasında italyalı sükançının əleyhinə səs verib.
Başqa sözlə, Abdullayev qəbul edir ki, ölkə futbolunun hazırkı dönəmində millinin xarici məşqçiyə həvalə olunması səhv yanaşmadır. Sadəcə, o, İcraiyyə Komitəsində bu cür fikirləşən azsaylı şəxslərdən biridir və təkbaşına qərar vermir.
SPORTİNFO.AZ
