Serbiya milli komandasının müdafiəçisi Stefan Mitroviç millimizlə oyun (3:1) haqda açıqlama verib.
Sportinfo.az xəbər verir ki, 31 yaşlı oyunçu Azərbaycana qarşı vacib bir qələbə qazandıqlarını söyləyib:
"Bu, qarşımıza qoyduğumuz məqsədə doğru yeni bir addım idi. Çox vacib bir qələbə qazandıq.
İlk hissənin sonunda qol buraxdığımız üçün bir az çətin oldu. O qola qədər oyunu idarə etdik. İlk hissədə daha bir neçə qol vurmalı idik.
Amma hücum futboluna uyğun olaraq sakit idik. Bizim üçün ən vacib olan 3 xal qazanmaqdır. Artıq Portuqaliya ilə matça rahat gedəcəyik.
Bu görüş bizim üçün finala bərabərdir. Azarkeşlərin sayəsində milli komandanın ruhu geri qayıdır. Gələcəkdə daha da böyük dəstəyə ümid edirik".