Aərbaycanın DÇ-2022-nin seçmə mərhələsindəki rəqibi Serbiya komandamızla matça daha bir itki ilə çıxacaq.
Sportinfo.az xəbər verir ki, müdafiəçi Nikola Milenkoviç bu görüşü buraxmalı olacaq.
Zədə səbəbindən iki gün əvvəl Lüksemburqla (1:0) oyunda iştirak etməyən mərkəz müdafiəçisinin millimizlə matça qədər sağalması gözlənilirdi. Lakin İtaliya mətbuatında "Fiorentina"lı oyunçunun meydana çıxmayacağı yazılıb.
Bu gün keçiriləcək Serbiya - Azərbaycan oyunu Bakı vaxtı ilə saat 22:45-də başlayacaq.