Serbiya yığmasının qapıçısı Marko Dmitroviç oktyabrın 12-də Azərbaycanla keçirəcəkləri matç barədə danışıb.
Sportinfo.az xəbər verir ki, o, A qrupunun növbəti turunda da qələbə qazanmağı hədəflədiklərini bildirib:
"Bu kollektivə qarşı artıq oynamışıq. Lüksemburqdan 3 xalla qayıtdıq. Artıq Azərbaycanla oyun haqqında düşünmək olar.
Qalib gəlmək üçün potensialımız var. Düşünürəm ki, ilk dəqiqələrdən düzgün oynasaq, problem olmayacaq.
Düzdür, favorit olmağımız əlavə təzyiq yaradır. Amma hədəfimizin nə olduğunu yaxşı bilirik. Qarşıdakı oyundan 3 xal götürmək istəyirik".