“Azərbaycan millisi möhkəm komandadır.
Hər iki komandanın qalib gəlmək şansı 50 faizdir”.
Sportinfo.az xəbər verir ki, bunu DÇ-2022-nin seçmə mərhələsi çərçivəsində Azərbaycanla oyunöncəsi Lüksemburqun baş məşqçisi Lük Holts deyib.
O, bildirib ki əsas hədəfləri qələbədir: “Təbii ki, 3 xal qazanmaq üçün meydana çıxacağıq. Rəqibin gücünü nəzərə almaqla bunu etmək asan olmayacaq.
Yeni stadionda ilk oyunumuzu keçirəcəyik. Çalışacağıq ki, ilk qarşılaşmadan qalib ayrılaraq azarkeşlərimizi sevindirək.
Rəqib seçmə mərhələdə Portuqaliyaya 0:1, Serbiyaya isə 1:2 hesabı ilə məğlub olub. Bu da onların mübariz komanda olmasından xəbər verir”.
Lüksemburq futbolçusu Danel Sinani isə komandanın görüşə tam hazır olduğunu qeyd edib: “Azərbaycanla sonuncu oyunda penaltidən istifadə edə bilmədim.
Amma bu qarşılama üçün komanda olaraq oyuna tam hazırıq. Rəqibin mübariz, döyüşkən komanda olmasına baxmayaraq, qalib gəlməyə çalışacağıq”.
