Azərbaycan millisinin daha üç… DƏQİQLƏŞDİ

22 İyun 2021 17:20 Milli komanda 2 588
Azərbaycan millisinin daha üç… DƏQİQLƏŞDİ

Azərbaycan millisinin DÇ-2022-nin seçmə mərhələsində keçirəcəyi daha üç oyunun yeri dəqiqləşib.

Sportinfo.az xəbər verir ki, İrlandiya ilə həm evdə, həm də səfərdə, Serbiya ilə rəqib meydanında baş tutacaq görüşün təşkil olunacağı stadion müəyyənləşib.

Sentyabrın 4-də Azərbaycan millisi İrlandiyanın qonağı olacaq. Dublindəki matç “Aviva” stadionunda baş tutacaq. Qarşılaşma Bakı vaxtı ilə saat 20:00-da start götürəcək.

Oktyabrın 9-da yığmamız İrlandiyanı qəbul edəcək. Saat 20:00-da başlayacaq matç Bakı Olimpiya Stadionunda təşkil olunacaq.

Oktyabrın 12-də Serbiyada keçiriləcək qarşılaşma Belqradda baş tutacaq. Rayko Mitiç stadionundakı görüş Bakı vaxtı ilə saat 22:45-də başlayacaq.

Lüksemburq sentyabrın 1-dəki səfər, noyabrın 11-dəki ev oyununun yeri hələ dəqiqləşməyib. Sentyabrın 7-də Portuqaliya ilə qarşılaşmanın isə Bakı Olimpiya Stadionunda təşkil olunacağı öncədən bəlli idi.

Digər Xəbərlər
Xəbər Lenti