AVRO-2020-nin 24 iştirakçısından 21-i müxtəlif vaxtlarda Azərbaycan yığması ilə qarşılaşıb.
Sportinfo.az xəbər verir ki, yalnız üç komanda – Danimarka, Niderland və Şotlandiya millimizə yaddır.
Qitə çempionatının dörd iştirakçısı – Finlandiya, Slovakiya, Türkiyə, Uelslə daha çox qarşılaşmışıq. Millimiz onların hərəsi ilə 8 dəfə üz-üzə gəlib.
Ümumilikdə, AVRO-2020-nin iştirakçıları və Azərbaycan millisi 10 dəfə qarşılaşıb. Yığmamız cəmi 5 qələbə qazanıb. Millimiz 14 heç-heçə edib və 81 dəfə məğlub olub.
Komandamız yalnız Finlandiya, İsveçrə, Türkiyə, Çexiya və Slovakiya üzərində qələbə qazanıb. Hərəsi ilə görüşlərdə bir dəfə.
Çexiya millimizin şəxsi oyunlarda üstələdiyi yeganə AVRO-2020 iştirakçısıdır. 3 oyunda 1 qələbə, 1 heç-heçə və 1 məğlubiyyət, top fərqi – 3-2.
Qələbə və məğlubiyyət sayında tarazlıqda olduğumuz ikinci komanda İsveçrədir. 1 dəfə uduzub, 1 dəfə uduzduğumuz rəqib top fərqində öndədir – 5:1.
AVRO-2020-nin 5 iştirakçısı ilə 2 görüşdə uduzmamışıq. Çexiya və Türkiyə ilə matçlarda qələbə və heç-heçəsi olan milli Xorvatiya, Rusiya, Şimali Makedoniyanın hərəsi ilə iki sülhə imza atıb.
AVRO-2020-nin dörd iştirakçısına daha çox – 7 dəfə uduzmuşuq. Bunlardan üçü 8 dəfə qarşılaşdığımız Finlandiya, Uels və Slovakiyadır.
Macarıstan bütün matçlarda uduzduğumuz və daha çox qarşılaşdığımız rəqibdir – 7 dəfə.
Daha iki rəqiblə 2 dəfədən çox görüşüb və həmişə uduzmuşuq. Almaniya 6, İtaliya 4 belə qələbə qazanıb.
Millimiz AVRO-2020-nin iştirakçıları ilə 100 oyunda 41 qol vurub və 241-ni buraxıb.
Futbolçularımız Finlandiya, Şimali Makedoniya və Slovakiyaya daha çox 5 qol vurub.
21 komanda arasında qol vurmadığımız rəqib yoxdur.
Millimiz Almaniyadan 24, Polşadan 20, Macarıstandan 19 top buraxıb.
Yığmamıza ən az qol vuran komanda Çexiyadır. Onlar 2 dəfə fərqlənib (apasport.az).