Azərbaycan millisi bu gün növbəti oyununu keçirib.

Sportinfo.az xəbər verir ki, yığmamız Belarusla qarşılaşıb.

Baş məşqçi Canni de Byazinin yetirmələri bu dəfə də yoldaşlıq matçına səfərdə çıxıb. Minskin “Dinamo” Olimpiya Stadionundakı qarşılaşma yığmamızın bu il keçirdiyi ümumilikdə 5-ci, yoxlama görüşləri çərçivəsində 3-cü sınağı olub.

2021-ci ildə məğlubiyyətləri sıralayan komandamız uğursuz seriyaya, nəhayət ki, son qoymağa müvəffəq olub.

Portuqaliyaya 0:1, Qətər, Serbiya və Türkiyəyə eyni – 1:2 hesabı ilə yenilən de Byazinin kollektivi yenə hesabda geri düşməsinə baxmayaraq, bu dəfə nəinki məğlubiyyətdən qurtula bilib, hətta son dəqiqələrdə qələbə qolunu da vurub. Bu isə yığmamızın 2021-ci ildəki ilk qalibiyyəti olub.

Millimiz iyunun 6-da Kişinyovda Moldova ilə yoldaşlıq görüşündə üz-üzə gələcək.

2 iyun
20:00. Belarus – Azərbaycan 1:2
Qollar: Maksim Skavış, 56 - Bədavi Hüseynov, 73, Ramil Şeydayev, 90+1
Baş hakim: Dumitru Muntean (Moldova)
Belarus: 12. Pavel Pavlyuçenko, 2. Kirill Peçenin, 3. Maksim Şvetsov, 4. Maksim Volodko, 5. Artyom Bıkov, 6. Ruslan Xadarkeviç, 9. Maks Ebonq, 11. Maksim Skavış (k), 13. Nikolay Zolotov, 14. Yevgeni Yablonski, 20. Dmitri Antilevski
Ehtiyat oyunçular: 1. Anton Çiçkan, 16. Vladislav Vasilyuçek, 7. Qleb Şevçenko, 8. İqor Zayats, 10. Denis Qreçixo, 15. Roman Yuzepçuk, 17. Andrey Solovey, 18. Pavel Sedko, 19. Dmitri Podstrelov, 21. Vladislav Klimoviç, 22. Danila Neçayev, 23. Yevgeni Şevçenko
Baş məşqçi: Georgi Kondratyev
Azərbaycan: 1. Emil Balayev, 18. Anton Krivotsyuk, 4. Höccət Haqverdi, 15. Bədavi Hüseynov, 5. Maksim Medvedev (k), 3. Azər Salahlı, 2. Qara Qarayev, 8. Emin Mahmudov, 21. Toral Bayramov, 7. Namik Ələskərov, 9. Əli Qurbani
Ehtiyat oyunçular: 23. Mehdi Cənnətov, 12. Aydın Bayramov, 14. Şəhriyar Əliyev, 13. Abbas Hüseynov, 17. Elvin Cəfərquliyev, 16. Elvin Camalov, 6. Vüqar Mustafayev, 10. Aleksey İsayev, 20. İsmayıl İbrahimli, 19. Anatoli Nuriyev, 22. Rüstəm Əhmədzadə, 11. Ramil Şeydayev
Baş məşqçi: Canni de Byazi
Minsk. “Dinamo” Milli Olimpiya Stadionu